Xogo de colo: Este queixo queixolán.

Ficha de xogo nº 1

Nome: Este queixo queixolán.

Idade recomendada: +0

Nº de participantes: Adulto e neno/bebé.

Duración: Breve.

Espazo: Calquera.

Beneficios: Vínculo afectivo, coñecemento da linguaxe e do corpo.

Tipo de xogo: Xogo de exercicio. Xogo de colo.

Organización de espazos: Non requiere.

Recursos: Non precisa.

Desenvolvemento do xogo: Co neno no colo ou nos brazos, recitámoslle a letra do xogo e tocámoslle as partes da cara que imos dicindo. No último verso, despeiteamos ao neno ou nena con toda a man.

Letra

Este queixo queixolán,

esta boca pide pan,

este "narís" naricete,

estes ollos pispiretes,

esta "testa" testaruda

¡e este peliño de burra! 

Variantes, adaptacións e modificacións:

Este queixo queixotán.

Esta boca pide pan.

Este “narís” narisete.

Estes ollos de pisquete.

Esta testa manifesta.

Este cabelo douradiño.

Ven aquí, que che dou un biquiño.

----

Este queixo queixolán,

esta boca pide pan,

estes ollos “pestenexos”.

¡Fura por aquí, “conexo”!

(No último verso, faille cóxegas no pescozo.)